Էրդողան. Զանգեզուրի միջանցքի բացումը կամրապնդի Հարավային Կովկասի էներգետիկ ենթակառուցվածքները
Զանգեզուրի միջանցքը Ադրբեջանի համար ոչ միայն Նախչըվանի հետ ցամաքային կապ ունենալու հնարավորություն է, այլև Թուրքիայի միջոցով թյուրքական աշխարհին ինտեգրվելու նոր գիծ։
Ինչպես հաղորդում է Caliber.Az-ը, այս մասին Ադրբեջանից վերադառնալիս ինքնաթիռում լրագրողներին ասել է Թուրքիայի նախագահ Ռեջեփ Թայիբ Էրդողանը։
Նրա խոսքով՝ Զանգեզուրի միջանցքի կարճ ժամանակում բացումը կհզորացնի նաև Հարավային Կովկասի տրանսպորտային և էներգետիկ ենթակառուցվածքները. «Մենք ակնկալում ենք, որ Իրանը կաջակցի այս քայլերին, որոնք կծառայեն մեր տարածաշրջանի խաղաղությանը, անվտանգությանը և զարգացմանը»։
Էրդողանը նաև հավելել է, որ Թուրքիան վճռականորեն աջակցում է Ադրբեջանի՝ օկուպացիայից ազատագրված տարածքների վերականգնման ու զարգացման ջանքերին:
«Թուրքիան ողջունում է Ադրբեջանի և Հայաստանի կողմից խաղաղության գործընթացի շրջանակներում ձեռնարկված քայլերը: Խաղաղության համաձայնագրի տեքստի շուրջ պայմանավորվածությունը նույնպես կարևոր զարգացում է կայունության ճանապարհին, և մենք ցանկանում ենք, որ այս գործընթացն ավարտվի որքան հնարավոր է շուտ», - ընդգծել է նա:
+994 55 444-88-98
Азербайджан, Баку, ул. Низами, 203, Af Business House, 5-й этаж